دولة مدنية ونحكم فيها برده بالشريعة طب وماله؟ هاتقولي ايه ياعم الكلام الفاضي الي انت بتقوله ده
هاقولك اه وربنا عادي بتحصل
صلي على النبي
الدولة المدنية ياسيدي : هو اني أنا وحضرتك والاستاذ الي هناك ده والاخت الي بتتمشى اه شايفها الي هناك ديه نحكم البلد ديه نحكمها بالطريقة الي تحقق لنا مصالحنا .. مصالحنا احنا في الدنيا بتاعتنا ديه هو مش " أنتم أعلم بشؤن دنياكم " برده اه وربنا نسيت اقولكم ان ده حديث صحيح
وصحيح كمان ان ناس كتيروقع منهم الحديث ده اذ فجأة.. طيب هنحكمها ازاي ... بالديموقراطيه.. .. بس كده شوفتوا سهله ازاي
شايفك يابو دقن انت اصبر عليا انا بدقن برده على فكره بس قصيره شوية
طيب والشريعة
صلوا على النبي تاني .. اولا خلونا نقول اننا كده كده بنطبق الشريعة في حاجات كتيير اوي في قوانيين الاحوال الشخصية والمواريث وغيره.. الازمه عندنا في الحدود المعطلة .. وماله نشغلها وديه مش منة لا لازم نشغلها طبعا بس برده لازم قبل ما نقطع ايد السارق الاول ناكل الناس ومش خش في التفاصيل ديه .. هنشغلها وهنطبق الحدود وماله
طيب ماهي كده هتبقى دوله دينية
هاقوللك لا ياحبيبي
الدولة الدينية لايجوز الاعتراض على قانون فيها لانه حكم الهي
بقيت القوانين نشيل ونحط فيها براحتنا حسب ما احنا عايزين
وانا هنا بتكلم عن الحدود فقط يعني محدش يطلع قانون يفرض على النساء الحجاب .ربنا قال الحجاب واجب .. صح لكنه لم يحده بحد .. يبقى خليك في حاللك وادعوا الى سبيل ربك بالحكمة والموعظة وده اخرك
ومحدش يضرب الي بيلبس شورت من الرجال زي ما شفت في السعودية وغيره مما لم يحده الله بحد
انا بتكلم ع الحدود
اما قصة الاقتصاد الاسلامي فده هجس وكدبه لمؤاخذة
لان مفيش حاجه اسمها كده في معاملات غير جائزه اه
لكن منظومه اقتصادية اسلاميه زي ما الاخوان بيقولوا فسوري
يبقى الاقتصاد الي الدوله تشوفوا اصلحلها تعملوا
طب والاقباط
مالهم اللي هيسري عليا هيسري عليهم
لازم نفهم ان الجزيه كانت ايام الفتوح وايام الجيش الاسلامي
ولافي فتوح ولافي خليفه ولافي جيش اسلامي
ونشوفوا مع المهدي ان شاء الله بنص الاحاديث لما ترجع الخلافه غير كده
مدنيه... مدنية.....مدنية
ليست هناك تعليقات:
إرسال تعليق